Megastar కి చెల్లెలుగా సీనియర్ HOT హీరోయిన్

రీఎంట్రీలో వ‌రుస సినిమాలు చేస్తున్న చిరంజీవి రీసెంట్‌గా ఆచార్య షూటింగ్ పూర్తి చేశారు. ఫిబ్ర‌వ‌రి 4న ఈ చిత్రం ప్రేక్ష‌కుల ముందుకు రానుంది. ఇక ఇప్పుడు గాడ్ ఫాద‌ర్ చిత్ర షూటింగ్‌తో బిజీగా ఉన్నారు. మెగాస్టార్ చిరంజీవి హీరోగా మోహన్‌రాజా దర్శకత్వంలో రూపొందుతున్న గాడ్ ఫాద‌ర్ చిత్రం మలయాళ సూపర్ హిట్ ‘లూసిఫర్’కు తెలుగు రీమేక్‌గా తెర‌కెక్కుతున్న విష‌యం తెలిసిందే.

గాడ్ ఫాద‌ర్ సినిమాలో హీరోకి వరుసకు సోదరి అయ్యే ఓ మహిళ పాత్ర చాలా కీలకం కానుందట. దీంతో ఈ బలమైన రోల్ కోసం శోభన, విద్యాబాలన్ లాంటి వాళ్ళ పేర్లను పరిశీలించిన టీమ్ చివరకు రమ్యకృష్ణను ఫైనల్ చేశారని సమాచారం. ఇప్పటికే ఆమెతో సంప్రదింపులు కూడా పూర్తయ్యాయని, చిరు చెల్లెలిగా వెండితెరపై మెప్పించడానికి రమ్యకృష్ణ కూడా గ్రీన్ సిగ్నల్ ఇచ్చేసిందని టాక్. త్వరలోనే దీనిపై మేకర్స్ నుంచి ప్రకటన రావొచ్చని తెలుస్తోంది.

సెకండ్ ఇన్నింగ్స్‌లో రమ్యకృష్ణ వరుసగా డిఫరెంట్ పాత్రలు చేస్తూ దూసుకుపోతుంది. బాహుబలిలో శివగామిగా అలరించింది. రీసెంట్‌గా ‘రిపబ్లిక్’, ‘రొమాంటిక్’ చిత్రాలతో ప్రేక్షకులను పలకరించింది. ప్రస్తుతం ఈమె చేతిలో పలు చిత్రాలున్నాయి. ‘లైగర్’, ’రంగమార్తాండ’, బంగార్రాజు సహా పలు చిత్రాల్లో కీలక పాత్రల్లో నటిస్తోంది.