ధాన్యం మొత్తం కేంద్రమే కొనాలి-బీవీ రాఘవులు

తెలంగాణ రాష్ట్రంలో రైతులు పండించిన మొత్తం ధాన్యాన్ని ఎఫ్‌సీఐ ద్వారా కేంద్ర ప్రభుత్వమే కొనుగోలు చేయాలని సీపీఎం డిమాండ్‌ చేసింది.ఎక్కువ ధాన్యం పండించే రాష్ర్టాలకు కేంద్రం తీవ్రమైన అన్యాయం చేస్తున్నదని, దీనివల్ల తెలంగాణ ఇబ్బందుల పాలవుతున్నదని సీపీఎం పొలిట్‌బ్యూరో సభ్యుడు బీవీ రాఘవులు పేర్కొన్నారు.

సోమవారం హైదరాబాద్‌లోని ఎంబీభవన్‌లో ఆ పార్టీ రాష్ట్ర కార్యదర్శివర్గ సమావేశం ముగిసిన అనంతరం ఆయన మీడియాతో మాట్లాడుతూ.. ధాన్యం కొనుగోళ్ల విషయంలో కేంద్ర ప్రభుత్వం కుంటిసాకులు చెప్తున్నదని విమర్శించారు. బీజేపీ విధానాలపై ముఖ్యమంత్రి కేసీఆర్‌తోపాటు రాష్ట్ర మంత్రుల విమర్శలు ఆహ్వానించదగినవేనని పేర్కొన్నారు. కేంద్రంలోని బీజేపీ ప్రభుత్వం తెలుగు రాష్ర్టాలకు చేస్తున్న చేటును టీఆర్‌ఎస్‌, వైసీపీ నిక్కచ్చిగా ఎదిరించాలని కోరారు.