దుమ్ము లేపుతున్న “గని” టీజర్

మెగా ప్రిన్స్ వరుణ్ తేజ హీరోగా, బాలీవుడ్ బ్యూటీ సయీ మంజ్రేకర్ కథానాయికగా నటిస్తోన్న స్పోర్ట్స్ యాక్షన్ డ్రామా ‘గని’. కొత్త దర్శకుడు కిరణ్ కొర్రపాటి తెరకెక్కిస్తోన్న ఈ సినిమా డిసెంబర్ 3న ప్రపంచ వ్యాప్తంగా విడుదల కాబోతోంది. ఇందులో వరుణ్ .. ‘గని’ అనే బాక్సింగ్ ఛాంపియన్ గా కనిపించబోతున్నారు. ఈ పాత్రకోసం వరుణ్ చాలా కష్టపడ్డారు.

జిమ్ లో గంటల తరబడి కసరత్తులు చేసి.. సిక్స్ ప్యాక్ బాడీని బిల్డ్ చేశారు. ఇందులోని ఆయన మేకోవర్ అభిమానుల్ని ఖుషీ చేస్తోంది. ఈ సినిమా షూటింగ్ చివరిదశలో ఉంది. ఈ క్రమంలో సినిమాకి సంబంధించిన ప్రచార కార్యక్రమాల్ని ముమ్మరం చేశారు మేకర్స్. అందులో భాగంగా రేపు (మంగళవారం) ఉదయం 11: 08 నిమిషాలకి ఈ సినిమా టీజర్ విడుదల కాబోతోంది. అయితే ఈ టీజర్ కు ఓ ప్రత్యేక ఆకర్షణను కూడా జోడించారు. 

గని’ టీజర్ రామ్ చరణ్ వాయిస్ తో ఉండబోతోంది. ఈ విషయాన్ని ట్విట్టర్ వేదికగా అధికారికంగా ప్రకటించారు. చెర్రీ ‘ఆర్.ఆర్.ఆర్’ లోని యన్టీఆర్ టీజర్ లో వాయిస్ ఇచ్చిన సంగతి తెలిసిందే. ఆ తర్వాత ఇప్పుడు మళ్ళీ తన తమ్ముడు వరుణ్ కి వాయిస్ ఇవ్వనుండడం విశేషంగా మారింది. నదియా, నరేశ్, నవీన్ చంద్ర, జగపతిబాబు, సునీల్ శెట్టి, ఉపేంద్ర ఇతర ముఖ్యపాత్రలు పోషిస్తున్న ఈ సినిమా వరుణ్ కు ఏ రేంజ్‌లో పేరు తెస్తుందో చూడాలి.