కత్రినా కైఫ్ పారితోషకం ఎంతో తెలుసా..?

బాలీవుడ్‌లో మంచి డిమాండ్ ఉన్న నటీమణుల్లో కత్రినా కైఫ్ ఒకరు. కత్రినా 2003లో ‘బూమ్’ సినిమాతో బాలీవుడ్‌లోకి అడుగుపెట్టిన ఈ బ్యూటీ అతి తక్కువ కాలంలోనే స్టార్ హీరోయిన్‌ హోదాని అందుకుంది. ఈ రోజుకి పెద్ద స్టార్స్ కూడా ఈ తారతో కలిసి పనిచేయడానికి ఉత్సాహం చూపిస్తున్నారు. 

ఇప్పటికే 40కి పైగా చిత్రాల్లో నటించిన కత్రినా బాగా వెనకేసుకుందట. ఒక్కో సినిమాకి దాదాపు 11 కోట్లు తీసుకునే ఈ బ్యూటీ నికర విలువ రూ.224 కోట్లకు పైగానే ఉంటుందని సమాచారం. అంతేకాకుండా బ్రాండ్ ఎండార్స్‌మెంట్ కోసం ఒక్కోదానికి దాదాపు రూ.6-7 కోట్లు పైగా ఛార్జ్ చేస్తుందట ఈ భామ. ఈ నటికి ముంబైలో కోట్ల విలువ చేసే మాన్షన్ ఉంది. అయినప్పటికీ లీజుకు తీసుకున్న ఫ్లాట్‌లోనే నివసిస్తోంది.

కాగా, బాలీవుడ్ స్టార్ హీరో అక్షయ్ కుమార్ కలిసి కత్రినా నటించిన తాజా చిత్రం ‘సూర్యవంశీ’. ఈ చిత్రం త్వరలో బాక్సాఫీస్ వసూళ్లలో 150 కోట్ల మార్క్‌ను అధిగమించనుంది. సల్మాన్ ఖాన్‌తో చేస్తున్న ‘టైగర్ 3’ మూవీ షూటింగ్ జరుపుకుంటోంది.