“అన్‌స్టాప‌బుల్ (With NBK) ” షోలో మూడో గెస్ట్ ఎవ‌రో తెలుసా..?

ప్ర‌స్తుతం నందమూరి అందగాడు యువరత్న స్టార్ హీరో బాల‌కృష్ణ రేసుగుర్రంలా దూసుకుపోతున్నాడు. ఒక‌వైపు సినిమాలు మ‌రోవైపు అన్‌స్టాప‌బుల్ అనే షోతో ఫుల్ బిజీగా ఉన్నాడు.

ప్రముఖ తెలుగు ఓటీటీ మాధ్యమం ఆహా.. ఓటీటీ డిజిటల్ ప్లాట్ ఫాంలో టాక్ షో సంప్రదాయాన్ని కొనసాగిస్తున్న సంగతి తెలిసిందే. గతంలో సామ్ జామ్ అనే టాక్ షోతో ప్రేక్షకులను అలరించిన ఆహా.. ఈసారి బాలయ్యతో కలిసి.. అన్‌‏స్టాబబుల్‌ విత్‌ ఎన్‌బీకే పేరుతో ఓ టాక్ షో జరుగుతుంది.

తొలి ఎపిసోడ్‏లో మంచు మోహన్ బాబు కుటుంబసభ్యులతో సంద‌డి చేసిన బాలయ్య రెండో ఎపిసోడ్‏లో న్యాచురల్ స్టార్ నానితో ఫుల్ ఎంట‌ర్‌టైన్ చేశారు. చాలా ఆసక్తిక‌రంగా ఈ షో సాగింది. ఇక మూడో గెస్ట్ ఎవ‌రు వ‌స్తారా అని అందరు ఆస‌క్తిగా ఎదురు చూస్తున్న క్ర‌మంలో విజ‌య్ దేవ‌ర‌కొండ పేరు వినిపిస్తుంది.

అమెరికాకు వెళ్ల‌క ముందు విజ‌య్ దేవ‌ర‌కొండ ఈ షోలో పాల్గొని బాల‌కృష్ణ‌తో సందడి చేశార‌ని అంటున్నారు. విజ‌య్ లాంటి బోల్డ్ హీరోతో బాల‌కృష్ణ లాంటి మాస్ హీరో ఎంత ర‌చ్చ చేశాడా అని అభిమానులు ఊహాలోచ‌న‌లు చేస్తున్నారు.