‘భారతీయుడు 2’ మూవీకి కాజల్ అగర్వాల్ కు కష్టాలు

లోకనాయకుడు కమల్ హాసన్, శంకర్ కాంబినేషన్ లో రూపొందుతున్న క్రేజీ మూవీ ‘ఇండియన్ 2’. ఈ సినిమా మొదలు పెట్టిన దగ్గర నుంచి కష్టాలే. షూటింగ్ సమయంలో క్రేన్ కూలి ముగ్గురు మరణించడం.. ఆ తర్వాత నిర్మాతతో శంకర్ గొడవలు. ఓ దశలో ఈ ప్రాజెక్ట్ ఆగిపోతుందనే వార్తలొచ్చాయి. ఎట్టకేలకు ఇప్పుడు శంకర్ కు, నిర్మాతకు మధ్య సయోధ్య కుదిర్చి కమల్ హాసన్ .. ఈ ప్రాజెక్ట్ ను మళ్ళీ లైన్ లోకి తీసుకొచ్చారు.

ఇంతవరకూ కొన్ని ప్రధాన సన్నివేశాల చిత్రీకరణ జరిపిన శంకర్ .. డిసెంబర్ నుంచి తిరిగి షూటింగ్ ను ప్రారంభించనున్నట్టు సమాచారం. అయితే ఈ సినిమా చిత్రీకరణ సమయానికి ‘ఇండియన్ 2’ టీమ్ కు కాజల్ రూపంలో మరో కొత్త సమస్య ఎదురైనట్టు తెలుస్తోంది. లాక్ డౌన్ లో కాజల్ .. గౌతమ్ కిచ్లూని పెళ్ళి చేసుకొని వైవాహిక జీవితంలోకి అడుగుపెట్టిన సంగతి తెలిసిందే. 

ఇప్పుడు కాజల్ గర్భవతి. మొదటి బిడ్డ కోసం కాజల్ అండ్ కిచ్లూ ఎదురుచూస్తున్నారు. దాంతో ఆమె పాత్ర చిత్రీకరణ దగ్గర బ్రేకులు పడ్డాయి.  సినిమాలో కాజల్ రకరకాల గెటప్స్ వేసుకోవాల్సి ఉంటుంది. మరి ఈ పరిస్థితుల్లో కాజల్ ఆల్టర్ నేట్ ఎవరన్నది  సమస్యగా మారింది. ఈ సినిమా ‘భారతీయుడు 2’ గా తెలుగులో కూడా విడుదల కానుంది.