న్యూజిలాండ్ ఘన విజయం

T20 వరల్డ్ కప్ లో భాగంగా సెమీస్‌కు చేరాలంటే తప్పక నెగ్గాల్సిన పోరులో న్యూజిలాండ్‌ సమిష్టిగా సత్తాచాటింది. ఆదివారం జరిగిన మ్యాచ్‌లో న్యూజిలాండ్‌ 8 వికెట్ల తేడాతో అఫ్గానిస్థాన్‌ను చిత్తు చేసి నాకౌట్‌కు దూసుకెళ్లింది.

ఈ మ్యాచ్‌ ఫలితంతో అఫ్గాన్‌తో పాటు టీమ్‌ఇండియా సెమీస్‌ దారులు మూసుకుపోయాయి. మొదట బ్యాటింగ్‌ చేసిన అఫ్గాన్‌ నిర్ణీత 20 ఓవర్లలో 8 వికెట్లకు 124 పరుగులు చేసింది.

నజీబుల్లా జద్రాన్‌ (48 బంతుల్లో 73; 6 ఫోర్లు, 3 సిక్సర్లు) ఒంటరి పోరాటం చేయగా.. మిగిలినవాళ్లు విఫలమయ్యారు. కివీస్‌ బౌలర్లలో బౌల్ట్‌ 3, సౌథీ రెండు వికెట్లు పడగొట్టారు. అనంతరం లక్ష్యఛేదనలో న్యూజిలాండ్‌ 18.1 ఓవర్లలో 2 వికెట్లు కోల్పోయి 125 పరుగులు చేసింది. కెప్టెన్‌ కేన్‌ విలియమ్సన్‌ (40 నాటౌట్‌), కాన్వే (36 నాటౌట్‌) రాణించారు. అఫ్గాన్‌ బౌలర్లలో రషీద్‌, ముజీబ్‌ చెరో వికెట్‌ పడగొట్టారు. బౌల్ట్‌కు ‘మ్యాన్‌ ఆఫ్‌ ది మ్యాచ్‌’ అవార్డు దక్కింది.