త్రివిక్రమ్ దర్శకత్వంలో మెగాస్టార్

తెలుగు సినిమా ఇండస్ట్రీకి చెందిన మెగాస్టార్ చిరంజీవి, మాటల మాంత్రికుడు త్రివిక్రమ్‌ది చాలా క్రేజీ కాంబినేషన్ అని అనడంలో ఎలాంటి ఆశ్చర్యం లేదు. ఇంతకు ముందు చిరంజీవి ‘జై చిరంజీవా’ సినిమా కోసం త్రివిక్రమ్ కథ, మాటలు అందించిన సంగతి తెలిసిందే.

ఆ  సినిమా రిజల్ట్ ఎలా ఉన్నప్పటికీ అందులోని కామెడీని ఇప్పటికీ ఎంజాయ్ చేస్తుంటారు. ఈ నేపథ్యంలో త్వరలో త్రివిక్రమ్ దర్శకత్వంలో చిరంజీవి నటించే సినిమాకి సన్నాహాలు జరుగుతున్నట్టు టాక్. గతంలో పలుమార్లు ఈ కాంబో మూవీపై ప్రయత్నాలు జరిగినప్పటికీ.. ఎట్టకేలకు ఇప్పటికది కార్యరూపం దాల్చనుండడం విశేషంగా మారింది. 

డివీవీ దానయ్య ఈ సినిమాను నిర్మించబోతున్నట్టు, త్వరలోనే ఈ సినిమాకు సంబంధించిన ప్రకటన వెలువడనుందని పక్కాగా తెలుస్తోంది. చిరంజీవి ప్రస్తుతం వరుస సినిమాలు పట్టాలెక్కిస్తూ బిజీగా ఉండగా.. త్రివిక్రమ్ తన తదుపరి చిత్రాన్ని మహేశ్ బాబుతో తెరకెక్కించే సన్నాహాల్లో ఉన్నారు.

సినిమా స్ర్కిప్ట్ వర్క్ పూర్తయినట్టు, డిసెంబర్ సినిమాను లాంఛ్ చేయబోతున్నట్టు తెలుస్తోంది. మరి ఈ లెక్కన చూస్తే.. మెగా, త్రివిక్రమ్ కాంబో పట్టాలెక్కడానికి మరింత టైమ్ పట్టవచ్చు. అంతవరకూ అభిమానులు ఆత్రుతగా ఎదురు చూడాల్సిందే.