హీరోయిన్ భావన రీ ఎంట్రీ

తెలుగు సినిమా ఇండస్ట్రీకి చెందిన సీనియర్  హీరోయిన్ భావన రీ ఎంట్రీ ఇస్తున్నట్టు వార్త ఒకటి నెట్టింట హల్‌చల్ చేస్తోంది. ‘క్రాక్’ మూవీతో మంచి ఫాంలోకి వచ్చిన దర్శకుడు గోపీచంద్ మలినేని నెక్స్ట్ సినిమాను ఓ స్టార్ హీరోతో చేయబోతున్నారు. ఇప్పటికే ఈ మూవీ కోసం శృతి హాసన్‌ను ఎంపిక చేసుకున్నారనే వార్తలు వస్తున్నాయి. ‘క్రాక్’ మూవీ ద్వారా రీ ఎంట్రీ ఇచ్చిన ఆమె మంచి హిట్ అందుకుంది.

ప్రస్తుతం పాన్ ఇండియన్ స్టార్ ప్రభాస్ – ప్రశాంత్ నీల్ కాంబినేషన్‌లో రూపొందుతున్న యాక్షన్ ఎంటర్‌టైనర్ ‘సలార్’ మూవీలో హీరోయిన్‌గా నటిస్తోంది. ఈ క్రమంలోనే దర్శకుడు గోపీచంద్ మలినేని మేయిన్ హీరోయిన్‌గా శృతి హాసన్‌ను, మరో లీడ్ రోల్ కోసం భావన పేరును పరిశీలిస్తున్నారట. భావన 2008లో గోపీచంద్ హీరోగా వచ్చిన ‘ఒంటరి’ సినిమాతో టాలీవుడ్‌కు పరిచయమైంది.

ఆ తర్వాత నితిన్ సరసన ‘హీరో’, శ్రీక్రాంత్ సరసన ‘మహాత్మ’ వంటి సినిమాలలో నటించినప్పటికీ సరైన హిట్స్ అందుకోలేకపోయింది. మరి ఇప్పుడు భావన రీ ఎంట్రీ అంటూ వస్తున్న వార్తల్లో ఎంతవరకు నిజముందో చూడాలి. కాగా ఇటీవలే శివరాజ్ కుమార్ నటించిన ‘భజరంగీ2’లో ఈమె హీరోయిన్‌గా నటించారు.