పాత రికార్డులను తిరగరాస్తున్న రాధే శ్యామ్ టీజర్

సాహో చిత్రం త‌ర్వాత ప్ర‌భాస్ న‌టించిన చిత్రం రాధే శ్యామ్. రాధాకృష్ణ కుమార్ ద‌ర్శ‌క‌త్వంలోతెర‌కెక్కిన ఈ చిత్రం సంక్రాంతి కానుక‌గా విడుద‌ల కానుంది. అయితే ప్ర‌భాస్ బ‌ర్త్ డే సంద‌ర్భంగా చిత్రం నుండి టీజ‌ర్ విడుద‌లైంది.

మోస్ట్ అవైటెడ్ టీజర్ సింగిల్ గా రిలీజ్ అయిన టీజ‌ర్ మైండ్ బ్లోయింగ్ రెస్పాన్స్ తో రికార్డులు కొల్లగొడుతుంది. టాలీవుడ్‌లో ఏ హీరో సినిమా టీజ‌ర్‌కి రాని విధంగా భారీ వ్యూస్ రాబ‌డుతుంది.రాధే శ్యామ్ టీజ‌ర్‌కి కేవ‌లం 20 గంటల్లోనే 30 మిలియన్ వ్యూస్ కి పైగా వచ్చేసాయి. ఈ లెక్క‌లు చూస్తుంటే ప్ర‌భాస్ సినిమా బాక్సాఫీస్‌ని షేక్ చేయ‌డం ఖాయం అంటున్నారు.

టీజ‌ర్‌లో ప్రభాస్ బాడీ లాంగ్వేజ్, డైలాగ్ డెలివరీలో వెరీయేషన్ చూపించారు. ద‌ర్శ‌కుడు రాధా కృష్ణ డార్లింగ్ ని సరికొత్త లుక్ లో ప్రెజెంట్ చేశారు. దీనికి జస్టిన్ ప్రభాకర్ అందించిన బ్యాగ్రౌండ్ స్కోర్ అదనపు ఆకర్షణగా నిలిచింది. మనోజ్ పరమహంస సినిమాటోగ్రఫీ.. కమల్ కన్నన్ విజువల్ ఎఫెక్ట్స్ అద్భుతంగా ఉన్నాయి.