ఫ్లిప్‌కార్ట్ లో క్రేజీ ఆఫర్స్

రాబోయేది పండుగ‌ల సీజ‌న్ కావ‌డంతో.. ప్ర‌ముఖ ఈ కామ‌ర్స్ సంస్థ‌ల‌న్నీ స్పెష‌ల్ సేల్స్‌ను ప్రారంభించాయి. ఇప్పటికే ప్రైమ్ మెంబ‌ర్స్ కోసం అమెజాన్.. గ్రేట్ ఇండియ‌న్ సేల్‌ను ఈరోజు నుంచి ప్రారంభించింది. అలాగే.. ఫ్లిప్‌కార్ట్ కూడా బిగ్ సేవింగ్ డేస్ పేరుతో సేల్‌ను నిర్వ‌హిస్తోంది. అక్టోబ‌ర్ 3 నుంచి ఈ సేల్ ప్రారంభం అవ‌నుంది.

కానీ.. అక్టోబ‌ర్ 2 నుంచి అంటే ఈరోజు నుంచే ప్ల‌స్ మెంబర్స్ కోసం సేల్‌ను ప్రారంభించింది ఫ్లిప్‌కార్ట్‌.ఈ సేల్‌లో భాగంగా ప‌లు స్మార్ట్‌ఫోన్ల‌పై భారీ డిస్కౌంట్ల‌ను అందిస్తోంది ఫ్లిప్‌కార్ట్‌. యాపిల్ ఐఫోన్ 12, 12 మినీపై స్పెష‌ల్ డిస్కౌంట్ అందిస్తోంది. ఐఫోన్ 12(64 జీబీ) ఫోన్‌ను రూ.49,999కే విక్ర‌యిస్తుండ‌గా.. ఐఫోన్ 12 మినీ(64జీబీ) ఫోన్‌ను రూ.37,999కే విక్ర‌యించ‌నున్నారు.

ఐఫోన్ 12 మోడ‌ల్స్‌లో అత్యంత త‌క్కువ ధ‌ర‌కు విక్ర‌యించ‌డం ఇదే మొద‌టిసారి. ఈసేల్‌లో ఈ ఫోన్ల‌పై ఎక్స్ఛేంజ్‌లో రూ.15,800 వ‌ర‌కు అద‌న‌పు డిస్కౌంట్ కూడా ల‌భించ‌నుంది.యాపిల్ ఐఫోన్ ఎస్ఈ ఫోన్‌పై కూడా భారీ డిస్కౌంట్ ల‌భించ‌నుంది. ఐఫోన్ ఎస్ఈ ఫోన్ ఎంఆర్పీ ధ‌ర రూ.39,900పై డిస్కౌంట్‌తో క‌లిపి రూ.26,999కే ఫోన్‌ను ఈ సేల్‌లో అందిస్తున్నారు.ఐఫోన్ల‌తో పాటు గూగుల్ పిక్సెల్ ఫోన్ల మీద కూడా భారీ ఆఫ‌ర్ల‌ను ప్ర‌క‌టించారు. గూగుల్ పిక్సెల్ 4ఏ, పోకో ఎక్స్‌3 ప్రో, మోట‌రోలా ఎడ్జ్ 20 ఫ్యుజ‌న్ స్మార్ట్‌ఫోన్ల మీద స్పెష‌ల్ డిస్కౌంట్‌ను ఈ సేల్‌లో అందిస్తున్నారు.