చేవెళ్ల ఎంపీ రంజిత్ రెడ్డి మాన‌వ‌తావాది : మంత్రి కేటీఆర్

చేవెళ్ల ఎంపీ రంజిత్ రెడ్డి గొప్ప మాన‌వ‌తావాది అని రాష్ట్ర ఐటీ, పుర‌పాల‌క శాఖ మంత్రి కేటీఆర్ ప్ర‌శంసించారు. ఎంజీ రంజిత్ రెడ్డి జ‌న్మ‌దినం సంద‌ర్భంగా బేగంపేట‌లో దివ్యాంగుల‌కు ట్రై మోటార్ వాహ‌నాల‌ను మంత్రి కేటీఆర్ పంపిణీ చేశారు.

గిఫ్ట్ ఏ స్మైల్‌లో భాగంగా 105 మందికి ట్రై మోటార్ వాహ‌నాల‌ను పంపిణీ చేశారు.ఈ సంద‌ర్భంగా మంత్రి కేటీఆర్ మాట్లాడుతూ.. రంజిత్ రెడ్డి చేవెళ్ల నియోజ‌క‌వ‌ర్గ ప్ర‌జ‌ల‌కు ఎంతో మేలు చేస్తున్నారు. ఎంజీ రంజిత్ రెడ్డి ఎన్నో సేవా కార్య‌క్ర‌మాలు చేస్తున్నారు.

గిఫ్ట్ ఏ స్మైల్ కింద దివ్యాంగుల‌కు చేయూత‌నిస్తున్నారు. రాష్ట్ర స‌మ‌స్య‌ల‌పై రంజిత్ రెడ్డి పార్ల‌మెంట్‌లో ప్ర‌శ్నిస్తున్నారు. చేవెళ్ల‌లోని ప్ర‌భుత్వ ఆస్ప‌త్రుల‌కు 7 అంబులెన్స్‌లు ఇచ్చారు. చేవెళ్ల పార్ల‌మెంట్ ప‌రిధిలోని ప్ర‌తి గ్రామానికి విద్యార్థుల ఆన్‌లైన్ క్లాసుల కోసం అన్ని గ్రామాల‌కు డిజిట‌ల్ టీవీలు అందించారు. రంజిత్ రెడ్డి చేవెళ్ల ఎంపీ కావ‌డం ఆ నియోజ‌క‌వ‌ర్గ ప్ర‌జ‌ల అదృష్ట‌మ‌ని కేటీఆర్ అన్నారు.