బాదం ఎందుకు నానపెట్టాలంటే..?

ఉదయాన్నే లేచిన తర్వాత నాలుగు బాదం పప్పులు, నాలుగు వాల్‌నట్స్‌ తినటం వల్ల అనేక ప్రయోజనాలు ఉన్నాయని పౌష్టికాహార నిపుణులు చెబుతుంటారు. ఇవి ఎందుకు తినాలో ఇప్పుడు తెలుసుకుందాం..

ఉదయాన్నే ఈ నట్స్‌ తినటం వల్ల హార్మోన్ల సమతౌల్యం బావుంటుంది. మొత్తం రోజంతా అలసిపోకుండా ఉంటారు. వీటిని 8 నుంచి 10 గంటలు నానపెట్టడం వల్ల వాటిలో ఉండే పోషకాలు బయటకు పోవు.

బాదంలో ప్రొటీన్‌, విటమిన్‌ ఈ, మెగ్నీషియం మొదలైనవి ఉంటాయి. వీటి వల్ల జ్ఞాపకశక్తి పెరుగుతుంది. జీర్ణశక్తి మెరుగుపడుతుంది.

వాల్‌నట్స్‌లో ఒమెగా-3 ఫ్యాటీ యాసిడ్స్‌ ఉంటాయి. వీటితో పాటుగా విటమిన్‌ ఈ, ఫోలిక్‌ యాసిడ్‌, ఫైబర్‌ కూడా ఉంటాయి. వాల్‌నట్స్‌ను క్రమం తప్పకుండా తీసుకోవటం వల్ల మెదడు చురుకుగా పనిచేస్తుంది. బ్లడ్‌ షుగర్‌ను కూడా వాల్‌నట్స్‌ నియంత్రిస్తాయి.