ఖైత‌రాబాద్ మ‌హాగ‌ణ‌ప‌తికి గ‌వ‌ర్న‌ర్ త‌మిళిసై తొలి పూజ

ఖైత‌రాబాద్ పంచ‌ముఖ రుద్ర మ‌హాగ‌ణ‌ప‌తికి గ‌వ‌ర్న‌ర్ త‌మిళిసై సౌంద‌ర్ రాజ‌న్ తొలి పూజ చేశారు. ఈ పూజా కార్య‌క్ర‌మంలో హ‌ర్యానా గ‌వ‌ర్న‌ర్ బండారు ద‌త్తాత్రేయ‌, మంత్రి త‌ల‌సాని శ్రీనివాస్ యాద‌వ్, ఎమ్మెల్యే దానం నాగేంద‌ర్‌తో పాటు ప‌లువురు పాల్గొన్నారు.

ఈ సంద‌ర్భంగా గ‌వ‌ర్న‌ర్ త‌మిళిసై మాట్లాడుతూ.. తెలంగాణ ప్ర‌జ‌లంద‌రికీ వినాయ‌క చ‌వితి శుభాకాంక్ష‌లు. ఖైరతాబాద్ మ‌హాగ‌ణ‌ప‌తికి తొలి పూజ చేయ‌డం త‌న అదృష్ట‌మ‌న్నారు.

క‌రోనాను విఘ్నేశ్వ‌రుడు పార‌దోలాలి. ప్ర‌తి ఒక్క‌రూ క‌రోనా వ్యాక్సిన్‌ను వేయించుకోవాల‌ని గ‌వ‌ర్న‌ర్ కోరారు. క‌రోనాను త‌రిమికొడుతామ‌నే న‌మ్మ‌కం ఉంది. ప్ర‌జ‌లంద‌రూ జాగ్ర‌త్త‌గా ఉండాలి. తెలంగాణ ప్ర‌జ‌లంద‌రికీ వినాయ‌కుడి ఆశీస్సులు ఉండాల‌ని గ‌వ‌ర్న‌ర్ ప్రార్థించారు.