అన్నాత్తె ఫస్ట్ లుక్ విడుదల

సూప‌ర్ స్టార్ ర‌జనీకాంత్ చివ‌రిగా ద‌ర్భార్ చిత్రంతో ప్రేక్ష‌కుల ముందుకు వ‌చ్చిన సంగ‌తి తెలిసిందే. ఈ చిత్రం ప్రేక్ష‌కులని కాస్త నిరాశ‌ప‌ర‌చింది. ఈ మ‌ధ్య కాలంలో ర‌జ‌నీ సినిమాలు పెద్ద‌గా స‌క్సెస్ కావ‌డం లేదు.

దీంతో ఇప్పుడు శివ తెర‌కెక్కిస్తున్న అన్నాత్తెపై ఆయ‌న అభిమానులు చాలా హోప్స్ పెట్టుకున్నారు. తలా అజిత్‌తో వరుసగా చిత్రాలను తెరకెక్కించి బ్లాక్ బస్టర్‌లను కొట్టిన శివ.. ఇప్పుడు రజినీతో మాస్‌ను వేరే లెవెల్‌లో చూపించేందుకు రెడీ అయ్యారు.

అన్నాత్తె చిత్రం అనేక అవాంత‌రాలు ఎదుర్కొని షూటింగ్ పూర్తి చేసుకుంది.ఈ రోజు వినాయ‌క చ‌వితి సంద‌ర్భంగా మూవీ నుండి ర‌జ‌నీకాంత్ ఫ‌స్ట్ లుక్ విడుద‌ల చేశారు. పంచెకట్టులో రజినీ స్టైల్, ఆ మార్క్‌ను మరోసారి చూపించారు. ఈ పోస్టర్ ప్రేక్ష‌కుల‌ని ఎంత‌గానో ఆక‌ట్టుకుంటుంది. సాయంత్రం చిత్రానికి సంబంధించిన మోష‌న్ పోస్ట‌ర్ విడుద‌ల చేయ‌నున్నారు. నయనతార, కీర్తి సురేష్‌, మీనా, ఖుష్బు తదితరులు ముఖ్య పాత్రలు పోషిస్తున్నారు. న‌వంబర్ 4న చిత్రాన్ని విడుద‌ల చేయ‌నున్నారు.