పవన్ ఫ్యాన్స్ కు దేవిశ్రీ ప్రసాద్ సర్ ఫ్రైజ్

నేడు (సెప్టెంబర్ 2) పవర్ స్టార్ పవన్ కళ్యాణ్ బర్త్ డే. ఈ సందర్భంగా రాక్ స్టార్ దేవీశ్రీప్రసాద్ ఆయన అభిమానులకు ఓ సర్‌ప్రైజింగ్ గిఫ్ట్ ఇచ్చారు. పవన్ కళ్యాణ్ – దేవీశ్రీప్రసాద్ కాంబినేషన్‌లో ‘జల్సా’, ‘అత్తారింటికి దారేది’ చిత్రాలు వచ్చి ఘన విజయం సాధించిన సంగతి తెలిసిందే. ఈ రెండు చిత్రాలకి మాటల మాంత్రీకుడు త్రివిక్రం శ్రీనివాస్ దర్శకత్వం వహించాడు.

అయితే ‘జల్సా’ సినిమా ప్రమోషన్స్ కోసం అప్పట్లో ఓ వీడియో సాంగ్‌ను తయారు చేశామని, కానీ కొన్ని అనివార్య కారణాల వల్ల ఆ వీడియోను విడుదల చేయలేకపోయామని తెలిపాడు దేవిశ్రీ.

ఇప్పుడు ఇదే వీడియో సాంగ్‌ను నిర్మాత అల్లు అరవింద్, దర్శకుడు త్రివిక్రం చొరవతో పవర్ స్టార్ బర్త్ డే కానుకగా వదిలి అభిమానులకి సర్‌ప్రైజ్ చేసినట్టు తెలిపాడు. ప్రస్తుతం ఈ సాంగ్ అందరినీ ఎంతగానో ఆకట్టుకుంటోంది. కాగా పవర్ స్టార్‌కి పలువురు సినీ, రాజకీయ నాయకుల పుట్టినరోజు శుభాకాంక్షలు వెల్లువెత్తుతున్నాయి.