అసలు తగ్గని మిల్కీ బ్యూటీ త‌మ‌న్నా

మిల్కీ బ్యూటీ త‌మ‌న్నా ఇన్నాళ్లు సినిమాలు, వెబ్ సిరీస్‌ల‌తో ప్రేక్ష‌కుల‌ని ఎంత‌గానో అల‌రించింది. ఇక ఇప్పుడు హోస్ట్‌గానే అద‌ర‌గొట్టే ప్ర‌య‌త్నం చేస్తుంది. హిందీలో బాగా పాపులర్ అయిన మాస్టర్ చెఫ్ వంటల ప్రోగ్రాంను తెలుగు, తమిళ, మలయాళ భాషల్లోకి తీసుకువస్తున్నారు. అయితే తెలుగు వర్షన్ కోసం తమన్నా హోస్టింగ్ బాధ్యతలు తీసుకున్న విష‌యం తెలిసిందే. ఇటీవ‌లే ప్రోమో కూడా విడుద‌లైంది.

ఈ షోకి తొలి గెస్ట్ ఎవర‌నే దానిపై కొద్ది రోజులుగా అనేక వార్త‌లు వ‌స్తున్నాయి. రామ్ చ‌ర‌ణ్‌, రానా వంటి పేర్లు వినిపించిన చివ‌రికి అల్లు శిరీష్ పేరు ఫిక్స్ అయింది. శిరీష్ త‌న ఇన్‌స్టాగ్రాములో తమన్నాతో కలిసి మాస్టర్ చెఫ్ ప్రోగ్రాంలో భాగం అయినందుకు చాలా సంతోషంగా ఉంది. ఇందులో ఫస్ట్ సెలబ్రెటీ గెస్ట్ అయినందకు ఎగ్జైటింగ్‏గా ఉంది. షూటింగ్ కూడా పూర్తి చేసామంటూ తెలిపారు.