రతన్‌టాటాను రాష్ట్రపతి చేయాలి

మెగా బ్రదర్‌ నాగబాబు తరచూ సోషల్‌ మీడియాలో ఏదో ఒక అంశం మీద మాట్లాడుతుంటారు. తాజాగా దేశ రాష్ట్రపతి అంశంపై స్పందించారు. ‘ప్రస్తుతం దేశం క్లిష్ట పరిస్థితుల్లో ఉందని, ఇలాంటి సమయంలో దేశాన్ని ప్రేమించే వ్యక్తి రాష్ట్రపతి కావాలి’ అంటూ రతన్‌ టాటా పేరు సూచించారు.

ఈ మేరకు ఆయన సోషల్‌ మీడియాలో ఓ పోస్ట్‌ చేశారు.  ‘‘ప్రస్తుతం దేశం క్లిష్ట పరిస్థితులను ఎదుర్కొంటుంది. రోజు రోజుకు పరిస్థితులు దిగజారుతున్నాయి. ఇలాంటి సమయంలో తదుపరి రాష్ట్రపతి రాజకీయ ఎత్తుగడలను వ్యూహాలను రచించే వ్యక్తి కాకుండ దేశాన్ని తన కుటుంబంలా భావించి ప్రేమించే వ్యక్తి అయితే బాగుంటుంది.

భారతదేశ తదుపరి రాష్ట్రపతిగా నేను ప్రపోజ్‌ చేసే వ్యక్తి రతన్‌టాటా గారు. మీరేమంటారు’’ అని నాగబాబు చేసిన ట్వీట్‌ వైరల్‌ అవుతోంది. దీనికి RatanTataforPresident హ్యాష్‌ట్యాగ్‌ జత చేశారు. గతంలో కూడా ఆయన రతన్‌టాటా గురించి మాట్లాడిన సందర్భాలున్నాయి