రాఘవ లారెన్స్ “దుర్గ” మూవీ ఫస్ట్ లుక్ విడుదల

సీనియర్ ప్రముఖ కొరియోగ్రాఫర్, డైరెక్టర్, నిర్మాత రాఘవ లారెన్స్ హీరోగా నటించబోతున్న లేటెస్ట్ మూవీ ‘దుర్గ’. తాజాగా దీని ఫస్ట్‌లుక్ రిలీజ్ చేశారు. ఆయన ‘ముని’ సిరీస్‌లో వచ్చిన చిత్రాల మాదిరిగా ‘దుర్గ’ ఫస్ట్‌లుక్‌లోను భయపెట్టే మేకోవర్‌తో కనిపిస్తున్నాడు.

ఇంతకుముందు నటించిన హారర్ చిత్రాలు ‘కాంచన’, ‘గంగ’, ‘శివ లింగ’ తరహాలోనే ఇది కూడా విభిన్నంగా ఉండబోతుందని పోస్టర్‌తో తెలిపారు. ఈ మూవీని లారెన్స్ నటిస్తూ, నిర్మిస్తుండగా త్వరలో దర్శకుడు, ఇతర నటీ నటులను వెల్లడించనున్నట్టు సమాచారం. ప్రస్తుతం ఆయన యాక్షన్ ఎంటర్ టైనర్ ‘రుద్రాన్ సినిమాతో పాటు ‘అధికారం’ అనే మరో సినిమాలో నటిస్తున్నాడు.