కాంగ్రెస్‌ పార్టీకి ఎదురుదెబ్బ

వచ్చే ఏడాదిలో జరిగే అసెంబ్లీ ఎన్నికలకు ముందే కాంగ్రెస్‌ పార్టీకి ఎదురుదెబ్బ తగిలింది. మణిపూర్‌ ప్రదేశ్‌ కాంగ్రెస్‌ కమిటీ (ఎంపీసీసీ) అధ్యక్షుడు గోవిందాస్‌ కొంతౌజాం రాజీనామా చేశారు. పార్టీకి చెందిన ఎనిమిది మంది ఎమ్మెల్యేలతో కలిసి ఆయన అధికార బీజేపీ పార్టీలో చేరనున్నారు.

బిష్ణుపూర్‌ నుంచి వరుసగా ఆరుసార్లు ఎన్నికైన గోవిందాస్‌ను మణిపూర్‌ రాష్ట్ర కాంగ్రెస్‌ అధ్యక్షుడిగా సోనియా గాంధీ గతేడాది డిసెంబర్‌లో నియమించారు. 2022లో అసెంబ్లీ ఎన్నికలు జరుగనున్నాయి.

2017లో తొలిసారిగా బీజేపీ రాష్ట్రంలో ప్రభుత్వాన్ని ఏర్పాటు చేసింది. రాబోయే ఎన్నికల్లోనూ అధికారాన్ని నిలుపుకునేందుకు ప్రయత్నాలు చేస్తోంది.