వెబ్ సిరీస్ పై సునీత క్లారిటీ

ఇటు అందం.. అటు చక్కనైన వాయిస్ ఉన్న అందాల సింగర్ సునీత…ఈమె పేరు సంగీత రంగంలో పరిచయం అవసరం లేని వ్యక్తి. నేపథ్య గాయనిగా, డబ్బింగ్‌ ఆర్టిస్ట్‌గా, సంగీత కార్యక్రమాలకు న్యాయ నిర్ణేతగా మల్టీ టాలెండెట్‌ అని నిరూపించుకున్నారు. కుటుంబ బాధ్యతలు నిర్వర్తించడంలో కూడా ఆమె నంబర్‌వన్‌ అని సన్నిహితులు చెబుతుంటారు.

గాయనిగా చక్కని గుర్తింపు తెచ్చుకున్న ఆమె త్వరలో నిర్మాతగా మారి వెబ్‌ సిరీస్‌లు నిర్మించడానికి సన్నాహాలు చేస్తున్నారని రెండు రోజులుగా ప్రచారం జరుగుతోంది. అయితే ఈ విషయంపై సునీతను ‘చిత్రజ్యోతి’ సంప్రదించగా కార్లిటీ ఇచ్చారు.

సోషల్‌ మీడియాలో జరుగుతున్న ప్రచారంలో నిజం లేదని ఆమె తెలిపారు. సంగీత రంగం ఎంతో ఆనందంగా ఉందనీ, ఇక్కడే మరో మెట్టు ఎక్కడానికి ప్రయత్నిస్తాను కానీ మరోవైపు అడుగేయనని ఆమె చెప్పారు. గతంలో కూడా సునీత సినిమాల్లో నటిస్తారనే వార్తలొచ్చాయి. అవి అసత్యమైన వార్తలని ఆమె ఖండించారు.