అలా చేయడం ఇష్టముండదు. అయిన తప్పదంటున్న చందమామ

తెలుగు సినిమా ఇండస్ట్రీలో వరుస సినిమాలతో దూసుకెళ్తున్న అందాల రాక్షసి కాజల్ అగర్వాల్ . అయితే కాజల్ అగర్వాల్‌కి హారర్ జానర్ సినిమాలంటే ఎంతమాత్రం ఇష్టం ఉండదని ఇప్పటికే పలు సందర్భాలలో చెప్పుకొచ్చింది. అయినా హీరోయిన్ అన్నాక అన్ని రకాల పాత్రలు.. జోనర్ సినిమాలు చేయాలి కాబట్టి రీసెంట్‌గా తనకి ఇష్టం లేని హారర్ జోనర్‌లో ఓ వెబ్ సిరీస్ చేసింది.

‘లైవ్ లైవ్’ టెలికాస్ట్ పేరుతో రూపొందిన ఈ వెబ్ సిరీస్‌కి వెంకట్ ప్రభు దర్శకత్వం వహించాడు. తమిళ భాషలో రిలీజై ప్రేక్షకులను బాగా ఆకట్టుకుంది. అయితే మరోసారి ఇదే హారర్ జోనర్‌లో కాజల్ నటిస్తోంది. ఈ సారి వెబ్ సిరీస్ కాకుండా ఏకంగా సినిమా చేయడం ఆసక్తికరమైన విషయం. ఈ సినిమాలో కాజల్, రెజీనా, రైజా విల్సన్, జనని కీలక పాత్రల్లో కనిపించబోతున్నారు.

ఇటీవలే ఈ సినిమా షూటింగ్ పూర్తయినట్టు సమాచారం. పోస్ట్ ప్రొడక్షన్స్ వర్క్ మొదలు పెట్టబోతున్న ఈ సినిమాను పరిస్థితులు అనుకూలిస్తే థియేటర్స్‌లో రిలీజ్ చేస్తారట. లేదంటే నేరుగా ఓటీటీలో రిలీజ్ చేయనున్నట్టు తెలుస్తోంది. త్వరలో ఈ సినిమాకు సంబంధించిన మరిన్ని విషయాలు చిత్ర బృందం వెల్లడించనున్నారట. తెలుగులో కాజల్.. మెగాస్టార్ చిరంజీవి సరసన ‘ఆచార్య’, అలాగే ప్రవీణ్ సత్తారు – నాగార్జున కాంబినేషన్‌లో తెరకెక్కుతున్న సినిమాలో నటిస్తోంది.