శ్రుతిహాసన్ పై బీజేపీ ఫిర్యాదు..ఎందుకంటే..?

మక్కల్ నీది మయం (ఎంఎన్ఎం)పార్టీ అధినేత, ప్రముఖ సినీనటుడు కమల్‌హాసన్ కుమార్తె, ప్రముఖ సినీనటి శ్రుతిహాసన్‌పై బీజేపీ ఫిర్యాదు చేసింది. మంగళవారం పోలింగ్ సందర్భంగా కమల్‌హాసన్ కుమార్తె, సినీనటి శ్రుతిహాసన్‌ తన తండ్రితో కలిసి కోయంబత్తూర్ సౌత్ నియోజకవర్గంలోని పోలింగ్ బూత్‌ను అక్రమంగా సందర్శించారని బీజేపీ ఫిర్యాదు చేసింది.

కమల్ హాసన్, తన కుమార్తెలు శ్రుతిహాసన్, అక్షరలతో కలిసి చెన్నైలో ఓటు వేసిన తరువాత, నేరుగా తాను పోటీ చేస్తున్న కోయంబత్తూర్ సౌత్ నియోజకవర్గానికి వెళ్లారు. కోయంబత్తూర్ సౌత్ నియోజకవర్గ పోలింగ్ కేంద్రంలో  పోలింగ్ సరళిని పరిశీలించేందుకు కమల్ హాసన్ పోలింగ్ కేంద్రానికి వెళ్లారు.