Dharuvu No:1 Telugu Political web site in telugu states
సిద్దిపేట జిల్లా గోదావరి జలాలు కూడవెళ్లి వాగులోకి వస్తాయని ఎవరూ భావించలేదని తెలంగాణ మంత్రి హరీశ్‌రావు అన్నారు. కూడవెళ్లి వాగుకు నీటిని విడుదల చేసి హరీశ్‌.. జలాలకు ప్రత్యేక పూజలు చేసి జలహారతి ఇచ్చారు.
అనంతరం హరీశ్‌ మాట్లాడుతూ.. ‘‘కూడవెళ్లి వాగుకు ఇవాళ 800 క్యూసెక్కుల నీటిని విడుదల చేశాం. గతంలో గుక్కెడు నీటి కోసం ఘోష పడిన సందర్భాలున్నాయి. ప్రస్తుతం పుష్కలంగా తాగునీటితో పాటు సాగునీరు సరఫరా అవుతోంది.
కూడవెళ్లి వాగులోకి గోదావరి జలాలు తెచ్చి కేసీఆర్‌ చరిత్ర సృష్టించారు. త్వరలో రాష్ట్రం మొత్తం సాగునీరు అందిస్తాం’’ అని హరీశ్‌ పేర్కొన్నారు. మల్లన్న సాగర్‌ కాల్వ నుంచి కూడవెళ్లి వాగుకు నాటి విడుదలతో 12వేల ఎకరాలకు సాగునీరు అందనుంది.
