పొలిటికల్ ఎంట్రీపై ఎన్టీఆర్ క్లారిటీ..!

టాలీవుడ్ స్టార్ హీరోల‌లో యంగ్ టైగ‌ర్ ఎన్టీఆర్ ఒక‌రు. ఇటు వెండితెర‌పై సంద‌డి చేస్తూనే అడ‌పాద‌డ‌పా బుల్లితెర‌పై ప‌లు రియాలిటీ షోస్ చేస్తున్నాడు. ఇప్ప‌టికే బిగ్ బాస్ అనే కార్యక్రమంతో బుల్లితెర ప్రేక్ష‌కుల‌ని అల‌రించిన ఎన్టీఆర్ ఇప్పుడు ఎవ‌రు మీలో కోటీశ్వ‌రులు అనే షోతో థ్రిల్ చేసేందుకు సిద్ధ‌మ‌య్యారు.

మ‌రి కొద్ది రోజుల‌లో ప్రసారం కానున్న ఈ కార్య‌క్ర‌మం ప్ర‌మోష‌న్‌లో భాగంగా ఎన్టీఆర్ ప్రెస్‌మీట్ ఏర్పాటు చేశారు. ఈ ప్రెస్‌మీట్ లో ప‌లు అంశాల గురించి ప్ర‌స్తావించారు.రాజ‌కీయ రంగప్ర‌వేశం ఎప్పుడు చేయ‌బోతున్నారంటూ ఓ విలేక‌రి ఎన్టీఆర్‌ని ప్ర‌శ్నించ‌గా, దానికి తెలివైన స‌మాధానం ఇచ్చారు జూనియ‌ర్. 

ఈ ప్రశ్నకు మీరే జవాబు చెప్పాలి. మీ ప్రశ్నకు నేను ఏ సమాధానం  చెబుతానో తెలుసు క‌దా అని అన్నారు. రాజకీయాల గురించి మాట్లాడేందుకు ఇది సమయం, సందర్భం కాదు. దాని గురించి మరోసారి  తీరిగ్గా కాఫీ తాగుతూ చర్చించుకుందామని  ఎన్టీఆర్ వెల్లడించారు.  ప్ర‌స్తుతం ఆర్ఆర్ఆర్ అనే సినిమాతో బిజీగా ఉన్న ఎన్టీఆర్ ఇందులో కొమురం భీం పాత్ర‌లో క‌నిపించి సంద‌డి చేయ‌నున్నాడు.