ట్విట్టర్ లో రెచ్చిపోయిన రష్మిక

ఈ ఏడాది `సరిలేరు నీకెవ్వరు`, `భీష్మ` వంటి విజయాలతో టాలీవుడ్ టాప్ హీరోయిన్‌గా ఎదిగింది హీరోయిన్ రష్మిక. ప్రస్తుతం ఈమె తమిళ, తెలుగు, కన్నడ, హిందీ భాషల సినిమాల్లో నటిస్తోంది. తాజాగా మరో రెండు పెద్ద చిత్రాల్లో నటించే అవకాశం రష్మికను వరించినట్టు సమాచారం.

తాజాగా సోషల్ మీడియా ద్వారా రష్మిక అభిమానులతో టచ్‌లోకి వచ్చింది. అయితే తన కొత్త సినిమాల గురించి మాట్లాడడానికి నిరాకరించింది. `నా వర్క్ గురించి మీరు కొత్తగా ఏ విషయాలూ తెలుసుకోలేరు. వారు అనుమతి ఇస్తే తప్ప వాటి గురించి నేను మాట్లాడలేన`ని రష్మిక పేర్కొంది. రష్మిక ప్రస్తుతం తెలుగులో అల్లు అర్జున్ `పుష్ప`, శర్వానంద్ `ఆడాళ్లు మీకు జోహార్లు` సినిమాల్లో నటిస్తోంది.