సోలో బ్ర‌తుకే సో బెట‌ర్ మూవీ ఫస్ట్ వీక్ కలెక్షన్లు ఎంతో తెలుసా.?

సాయిధ‌ర‌మ్ తేజ్ నటించిన తాజా చిత్రం సోలో బ్ర‌తుకే సో బెట‌ర్. డిసెంబ‌ర్ 25న ప్రేక్ష‌కుల ముందుకు వ‌చ్చిన ఈ చిత్రం మిక్స్ డ్ టాక్ తో ప్ర‌ద‌ర్శించ‌బ‌డుతుంది. లాక్‌డౌన్ తో సినిమా షూటింగ్స్ నిలిచిపోవ‌డం, థియేట‌ర్లు మూత‌ప‌డ‌టంతో సినీ ప‌రిశ్ర‌మ అత‌లాకుత‌ల‌మైంది.

సుదీర్ఘ కాలం త‌ర్వాత డిసెంబ‌ర్ 25న థియేట‌ర్ల‌లో తొలి తెలుగు సినిమాగా విడుద‌లైన ఈ చిత్రం ఫ‌స్ట్ వీకెండ్ లో వ‌సూలు చేసిన క‌లెక్ష‌న్ల‌పై ఓ న్యూస్ ఫిలింన‌గ‌ర్ లో చ‌క్క‌ర్లు కొడుతోంది.

తాజా అప్ డేట్ ప్ర‌కారం ఆంధ్ర‌ప్ర‌దేశ్‌, తెలంగాణ‌లో తొలి వారాంతంలో రూ.10.08 కోట్లు వ‌సూలు చేసిన‌ట్టు టాక్‌. 50 శాతం ఆక్యుపెన్సీతో 3 రోజుల్లో తెలుగు రాష్ట్రాల్లో ఈ క‌లెక్ష‌న్లు రాబ‌ట్టిన‌ట్టు స‌మాచారం.