41 పరుగుల ఆధిక్యంలో టీమిండియా

 బాక్సింగ్ డే టెస్టు తొలి ఇన్నింగ్సులో టీమిండియా నిలకడగా ఆడుతోంది. రహానే కెప్టెన్ ఇన్నింగ్స్‌తో ఆకట్టుకుంటున్నాడు. బాధ్యతాయుతంగా ఆడుతూ.. హాఫ్ సెంచరీ కూడా పూర్తి చేశాడు.

తొలిరోజు ఫీల్డింగ్ మొహరింపుల దగ్గర నుంచి మొదలుపెడితే.. ఇవాళ్టి బ్యాటింగ్ వరకు రహానే మంచి మార్కులను కొట్టేశాడు. ప్రస్తుతం రహానే, రవీంద్ర జడేజా క్రీజులో ఉన్నారు. ఇరువురు దాటిగా ఆడుతూ ఆసీస్ బౌలర్ల నుంచి పరుగులు రాబడుతున్నారు.

ఆదివారం 36/1తో రెండో రోజు ఆట ప్రారంభించిన భారత్.. మరో నాలుగు వికెట్లు కోల్పోయింది. ఈ క్రమంలో ఆస్ట్రేలియా తొలి ఇన్నింగ్స్ స్కోర్ 195ని అధిగమించింది. ప్రస్తుతం 81 ఓవర్లకు 5 వికెట్లు కోల్పోయి 236 పరుగులు చేసింది. 41 పరుగుల ఆధిక్యంలో బ్యాటింగ్ కొనసాగిస్తోంది.