తొలిసారిగా కాజల్‌ అగర్వాల్ సరికొత్తగా

అగ్ర కథానాయిక కాజల్‌ అగర్వాల్‌ ఇటీవలే మాల్దీవుల్లో హనీమూన్‌ యాత్రను ముగించుకొని వచ్చింది. చిరకాల ప్రియుడు గౌతమ్‌ కిచ్లును గత నెలలో ఆమె వివాహమాడిన విషయం తెలిసిందే. హనీమూన్‌ ముగియడంతో ఇక సినిమాలపై దృష్టిపెట్టబోతున్నది కాజల్‌ అగర్వాల్‌. తాజాగా తమిళంలో ఆమె ఓ హారర్‌ చిత్రానికి గ్రీన్‌సిగ్నల్‌ ఇచ్చింది.

ఈ చిత్రానికి ‘ఘోస్టీ’ అనే టైటిల్‌ను ఖరారు చేశారు. డీకే దర్శకత్వం వహించనున్నారు. ఇందులో నలుగురు కథానాయికల్లో ఒకరిగా కాజల్‌ నటించనుంది. ఈ సినిమాలో హీరో ఎవరూ ఉండరని దర్శకుడు తెలిపారు. కాజల్‌ అగర్వాల్‌  పాత్రకు సంబంధించిన ఫొటోషూట్‌ను కూడా పూర్తిచేశామని ఆయన పేర్కొన్నారు. కెరీర్‌లో ఇప్పటివరకు హారర్‌ కథాంశంలో నటించలేదు కాజల్‌ అగర్వాల్‌.

తొలిసారి ఈ జోనర్‌లో సినిమా చేయడం ఆనందంగా ఉందని, తన పాత్ర చిత్రణలో వైవిధ్యం కనిపిస్తుందని కాజల్‌ అగర్వాల్‌ చెప్పింది.  ఈ సినిమాలో కాజల్‌ అగర్వాల్‌ దెయ్యాల వల్ల ఇబ్బంది పడే పోలీస్‌ అధికారిణి పాత్రలో కనిపించనుందని సమాచారం. వచ్చే నెలలో ఈ చిత్రం సెట్స్‌మీదకు వెళ్లనుందని తెలిసింది.  ప్రస్తుతం కాజల్‌ అగర్వాల్‌ తెలుగులో ‘ఆచార్య’ ‘మోసగాళ్లు’ చిత్రాల్లో కథానాయికగా నటిస్తోంది. త్వరలో ‘ఆచార్య’ షూటింగ్‌లో పాల్గొనడానికి సిద్ధమవుతోంది.