జీహెచ్‌ఎంసీ పరిధిలో మరో 24 బస్తీ దవాఖానాలు

హైదరాబాద్‌లోని పేదలకు మరిన్ని వైద్య సౌకర్యాలు కల్పించాలని జీహెచ్​ఎంసీ నిర్ణయించింది. అందులో భాగంగా ఇప్పటికే 199 బస్తీ దవాఖానాలను అందుబాటులోకి తీసుకువచ్చింది..ఈ రోజు గురువారం నుండి మరో 24 అందుబాటులోకి రానున్నాయి.

వాటిని ఉపసభాపతి పద్మారావుతోపాటు.. మంత్రులు కేటీఆర్​, ఈటల రాజేందర్‌, తలసాని శ్రీనివాస్‌ యాదవ్‌, మహమూద్‌ అలీ, మల్లారెడ్డి, సబితా ఇంద్రారెడ్డి ప్రారంభించనున్నారు.

కొత్తగా కాచిగూడ, పార్శీగుట్ట, కుత్బుల్లాపూర్‌, గూలిపూర, మలక్‌పేట్‌, కవాడిగూడ పరిధిలో ప్రారంభంకానున్నాయి. దూల్‌పేట్‌, ఎర్రగడ్డ, నేరెడ్‌మెట్, మల్కాజిగిరి, సరూర్‌నగర్‌, కార్వాన్‌లోనూ బస్తీదవాఖానాలు అందుబాటులోకి రానున్నాయి.