తెలంగాణలో లక్ష దాటిన కరోనా కేసులు

తెలంగాణ రాష్ట్రంలో కరోనా పాజిటివ్ కేసులు లక్ష మార్క్‌ను దాటాయి. ఈరోజు ఒక్క రోజే కరోనా కేసులు రెండు వేల మార్క్‌ను దాటాయి. తాజాగా 2,474 పాజిటివ్ కేసులు నమోదు అయినట్లు వైద్యశాఖ ప్రకటించింది.

దీంతో ఇప్పటి వరకు నమోదైన పాజిటివ్ కేసుల సంఖ్య 1,01,865గా నమోదు అయ్యింది. గడిచిన 24 గంటల్లో 7 మరణాలు సంభవించాయి. దీంతో రాష్ట్రంలో మొత్తం మరణాల సంఖ్య 744కు చేరింది. కొత్తగా 1768 రికవరీ అయినట్లు వైద్యశాఖ వెల్లడించింది.

ఇప్పటి వరకు మొత్తం 78,735 మంది రికవరీ అయ్యారు. ప్రస్తుతం 22,386 యాక్టివ్ కేసులు ఉన్నట్లు ప్రకటించింది. అలాగే రాష్ట్రంలో హోమ్ ఐసోలేషన్‌లో ఉన్నవారి సంఖ్య 15,933గా వైద్యశాఖ పేర్కొంది.

గడిచిన 24 గంటల్లో 24,004 శాంపిల్స్ సేకరించగా… అందులో 1239 కేసుల ఫలితాలు రావాల్సి ఉంది. జీహెచ్ఎంసీ-447, జగిత్యాల్-91, ఖమ్మం-125, మేడ్చెల్-149, నల్గొండ-122, నిజామాబాద్-153, రంగారెడ్డి-201, సిద్దిపేట-92, వరంగల్ అర్బన్- 123 కేసులు నమోదు అయ్యాయి.