అల్లరి నరేష్ కు జోడిగా కాజల్ అగర్వాల్

ప్రస్తుతం స్టార్‌ హీరోయిన్‌గా ఉన్న కాజల్‌ అగర్వాల్‌ త్వరలో కొరియన్‌ సినిమా రీమేక్‌లో నటించనున్నట్లు సమాచారం.ఇప్పటికే గతేడాది సురేష్ ప్రొడక్షన్ బ్యానర్‌లో సమంత.. ‘ఓ బేబి’ సినిమా చేసిన సంగతి తెలిసిందే.

ఈ చిత్రం కొరియాలో హిట్టైయిన ‘మిస్ గ్రానీ’ సినిమాకు రీమేక్‌గా తెరకెక్కింది. తాజాగా 2012లో విడుదలై కొరియన్‌లో సూపర్‌ హిట్‌ సాధించిన ‘డ్యాన్సింగ్‌ క్వీన్‌’ను
తెలుగులో సురేష్‌ బాబు తెరకెక్కించనున్నారు.

ఇప్పటికే ఈ సినిమా రీమేక్‌ హక్కులను కొనుగోలు చేయగా.. హీరో పాత్రలో అల్లరి నరేష్‌ నటించనున్నారు. మహేష్‌ బాబు ‘మహర్షి’
సినిమాతో అల్లరి నరేష్‌కు సెంకడ్‌ ఇన్నింగ్స్‌ స్టార్ట్‌ అయ్యిందని చెప్పవచ్చు.అయితే ఈ సినిమాలో అల్లరి నరేష్ సరసన కాజల్ నటించబోతోన్నట్లు తెలుస్తోంది. ఇందుకు ఇప్పటికే కాజల్‌ను సంప్రదించినట్లు సురేష్‌ బాబు చెప్పారు. అయితే ప్రస్తుతం చర్చ నడుస్తోందని ఈ నెల చివరలో స్పష్టత ఇస్తామంటూ ఆయన వెల్లడించారు.