జగన్ గ్రేట్ …ఎన్నికల్లో పోటీ చేయం..మాజీ ఎంపీ జె.సి దివాకర్ రెడ్డి

ఆంధ్రప్రదేశ్ లోని స్థానిక సంస్థల ఎన్నికల్లో పోటీ చేయబోమని అనంతపురం జిల్లా టీడీపీ మాజీ ఎంపీ జేసీ దివాకర్‌రెడ్డి ప్రకటించారు. స్థానిక సంస్థల ఎన్నికల్లో పోటీ చేసే అభ్యర్థులు డబ్బు, మద్యం పంపిణీ చేస్తే అనర్హత వేటు వేస్తామని ఆర్డినెన్స్‌ తీసుకొచ్చిన ముఖ్యమంత్రి వైఎస్‌ జగన్‌కు హ్యాట్సాఫ్‌ అని చెప్పారు. అనంతపురం జిల్లా తాడిపత్రి మండలంలోని అక్కన్నపల్లిలో బుధవారం ఆయన విలేకరులతో మాట్లాడారు. పౌరుషానికి పోటి చేసిన అనర్హత వేటు,జైలు పాలు కాకా తప్పదన్నారు. గెలిచిన తర్వాత అభ్యర్థి మద్యం, డబ్బులు పంచారని అక్రమంగా కేసులు పెట్టి ఉన్న పదవి ఊడగొట్టి రెండేళ్లు జైలుకు పంపే కొత్త చట్టాలను ముఖ్యమంత్రి వైఎస్‌ జగన్‌ తీసుకొచ్చారన్నారు. అందుకు తాము సిద్ధంగా లేమన్నారు. ఇలాంటి కొత్త చట్టాల ద్వారా డబ్బులు పోగొట్టుకోవడానికి సిద్ధంగా లేమని, తమకు డబ్బులు మిగిల్చినందుకు సీఎంకు కృతజ్ఞతలన్నారు. విశాఖపట్నంలో చంద్రబాబును అడ్డుకోవడంపై స్పందిస్తూ తమ నాయకుడిని అక్కడ చావగొట్టనందుకు సంతోషిస్తున్నామన్నారు.ప్రపంచంలో ఎక్కడ కూడా పంచాయతీ, మున్సిపాలిటీ ఎన్నికలు ఏకగ్రీవం కావడం ఇదే ప్రథమం అవ్వచ్చు అని తెలిపారు. ఇక పోతే మరోసారి జగన్ ఎప్పటికి మావాడు అన్నారు మాజీ ఎంపీ జె.సి దివాకర్ రెడ్డి