సెహ్వాగ్ శిష్యుడు ఉన్నాడో లేడో తెలీదు గాని.. శిష్యురాలు మాత్రం వచ్చేసినట్టే !

షెఫాలీ వర్మ..ప్రస్తుతం ఎవరినోట విన్నా ఈమె పేరే వినబడుతుంది. ఈ 16 సంవత్సరాల మహిళా క్రికెటర్ ఇప్పుడు ప్రపంచ జట్లను వణికిస్తుంది. ఎలాంటి బౌలర్ కైనా చుక్కలు చూపిస్తుంది. బంతి పడితే బౌండరీకి వెళ్ళాల్సిందే అన్నట్టుగా ఆడుతుంది. భారత్ మెన్స్ జట్టుకు డాషింగ్ ఓపెనర్ సెహ్వాగ్ ఎలాంటి ఆరంభం ఇస్తాడో అదే తరహాలో మహిళ జట్టుకు ఈ ప్లేయర్ ఆరంభం ఇస్తుంది అని చెప్పాలి. ప్రస్తుతం జరుగుతున్న టీ20 ప్రపంచంలో భాగంగా ఆస్ట్రేలియాతో జరిగిన మొదటి మ్యాచ్ లో విరుచుకుపడిన షెఫాలీ ఇప్పుడు బంగ్లాదేశ్ పై కూడా తనదైన శైలిలో ఆడింది. ఏకంగా 4సిక్స్ లు కొట్టింది.