ఘనంగా సీఎం కేసీఆర్ పుట్టిన రోజు వేడుకలు

తెలంగాణ రాష్ట్ర సీఎం ,అధికార టీఆర్ఎస్ అధినేత కేసీఆర్ అరవై ఆరో పుట్టిన రోజు వేడుకలు సోమవారం ఘనంగా జరిగాయి. ఈ క్రమంలో తెలంగాణ వ్యాప్తంగా ప్రజలు ,అభిమానులు, కార్యకర్తలు,నేతలు మొక్కలను నాటి తమ అభిమాన నాయకుడిపై ఉన్న అభిమానాన్ని చాటుకున్నారు.

అంతే కాకుండా పలువురు మంత్రులు, ఎంపీలు, ఎమ్మెల్యేలు, ఎమ్మెల్సీలు, వివిధ కార్పొరేషన్ల చైర్మన్లు, పలువురు ఐఏఎస్‌, ఐపీఎస్‌, ఐఎఫ్‌ఎస్‌లు, ఉద్యోగ, ఉపాధ్యాయ సంఘాలు, వివిధరంగాల ప్రముఖులు, టీఆర్‌ఎస్‌ పార్టీ నాయకులు తదితరులు ప్రగతిభవన్‌లో సీఎం కేసీఆర్‌ను స్వయంగా కలిసి శుభాకాంక్షలు తెలిపారు.

ఈ సందర్భంగా సీఎం కేసీఆర్‌ సుఖసంతోషాలతో, సంపూర్ణ ఆరోగ్యంతో నిండుజీవితం గడపాలని ఆకాంక్షించారు. మరిన్ని సంవత్సరాలు ప్రజాసేవలో కొనసాగాలని కోరుకొన్నారు. మరికొందరు శుభాకాంక్షలు తెలిపేందుకు సోషల్‌మీడియాను వేదికగా చేసుకున్నారు.