Dharuvu No:1 Telugu Political web site in telugu states
తెలంగాణ ముఖ్యమంత్రి కల్వకుంట్ల చంద్రశేఖర్రావు 66వ పుట్టినరోజు సందర్భంగా బహ్రెయిన్‌లో జన్మదిన వేడుకలు ఘనంగా నిర్వహించారు. ఈ వేడుకలు ఎన్నారై టీఆర్‌ఎస్‌ సెల్‌ బహ్రెయిన్‌ ప్రెసిడెంట్‌ రాధారపు సతీష్‌ కుమార్ ఆధ్వర్యంలో జరిగాయి. ఆ మహనీయుడి జన్మదినం సందర్భంగా కేక్‌ కట్‌ చేసి.. అనంతరం మొక్కలు నాటారు. గల్ఫ్‌ దేశాల్లో కేసీఆర్ బర్త్‌డే వేడుకలు జరుపుకోవడం ఆనందంగా ఉందని ప్రెసిడెంట్‌ సతీష్‌ కుమార్, వైస్‌ ప్రెసిడెంట్‌ బొలిశెట్టి వెంకటేష్‌ తెలిపారు. తెలంగాణ రాష్ర్టాన్ని సీఎం కేసీఆర్ అభివృద్ధి పథంలో నడిపిస్తున్నారని.. రాష్ట్ర అభివృద్ధికి తమవంతు సహాయం అందిస్తామన్నారు. ఈ వేడుకల్లో జనరల్ సెక్రెటరీలు లింబాద్రి పుప్పల, రాజేందర్ మగ్గిడి, సెక్రెటరీలు చెన్నమనేని రాజేందర్, దేవన్న బాల్కొండ, ఉత్కం కిరణ్ కుమార్, ప్రమోద్ బొలిశెట్టి, కొత్తూరు సాయన్న, రాజు కుమార్ కుమ్మరి, మహమ్మద్ తదితరులు పాల్గొన్నారు.
