మహేష్ అభిమానులకు పండుగలాంటి వార్త

ప్రస్తుతం తెలుగు సినిమా ఇండస్ట్రీలో వరుస సినిమాలతో.. వరుస విజయాలతో దూసుకుపోతున్న స్టార్ హీరో ప్రిన్స్ సూపర్ స్టార్ మహేష్ బాబు. ప్రస్తుతం మహేష్ వంశీ పైడీపల్లి దర్శకత్వంలో నటించనున్నాడు.

దిల్ రాజ్ నిర్మాతగా వ్యవహరిస్తున్నాడు. మహర్షి మూవీ తర్వాత వీరి కాంబినేషన్లో వస్తున్న మూవీ ఇది. అయితే ఈ మూవీలో మహేష్ ద్విపాత్రాభినయం చేస్తున్నాడని ఫిల్మ్ నగర్లో వార్తలు చక్కర్లు కొడుతున్నాయి. మహేష్ తన బాల్యంలో కొడుకు దిద్దిన కాపురంలో ద్విపాత్రాభినయం చేశారు.

ఆ తర్వాత కొన్నేళ్ళకు అంటే 2004లో ఎస్ ఏ రాజ్ కుమార్ దర్శకత్వం వహించిన నాని మూవీ క్లైమాక్స్ లో తండ్రీ కొడుకులుగా నటించాడు. ఆ తర్వాత ఇప్పుడు ఈ మూవీలో నటించనున్నారు అని వార్తలు ఫిల్మ్ నగర్లో చక్కర్లు కొడుతున్నాయి. ఒకవేళ ఈ వార్త నిజమైతే మహేష్ అభిమానులకు పండుగలాంటి వార్తనే కదా..