కొడంగల్ లో రేవంత్ కు షాక్

తెలంగాణ రాష్ట్రంలో ఈ నెల ఇరవై రెండో తారీఖున నూట ఇరవై మున్సిపాలిటీలకు.. తొమ్మిది కార్పోరేషన్లకు ఎన్నికలు జరిగిన సంగతి విదితమే. ఈ రోజు శనివారం ఉదయం ఎనిమిది గంటల నుండి ఓట్ల లెక్కింపు ప్రక్రియ మొదలయింది.

మల్కాజీగిరి ఎంపీ అనుముల రేవంత్ రెడ్డి సొంత నియోజకవర్గమైన కొడంగల్ లో ఎంపీకి ప్రజలు గట్టి షాకిచ్చారు. ఇటీవల జరిగిన సార్వత్రిక ఎన్నికల్లో రేవంత్ రెడ్డికి గట్టి షాకిచ్చిన కొడంగల్ నియోజకవర్గ ప్రజలు తాజాగా మున్సిపాలిటీ ఎన్నికల్లో అధికార టీఆర్ఎస్ పార్టీకి పట్టం కట్టారు.

కొడంగల్ మున్సిపాలిటీ ఫలితాల్లో ఇప్పటి వరకు అందిన సమాచారం మేరకు మెజారిటీ స్థానాలను టీఆర్ఎస్ గెలుపొందిందని తెలుస్తుంది.