వినూత్న టైటిల్ తో వెంకీ

తెలుగు సినిమా ఇండస్ట్రీలో సీనియర్ స్టార్ హీరో.. విభిన్న ప్రయోగాలకు కేరాఫ్ గా నిలిచే హీరో విక్టరీ వెంకటేష్. ఒకవైపు వరుస రీమేక్ లు చేస్తూనే మరోవైపు మల్టీస్టారర్ చిత్రాలతో తెలుగు సినిమా ప్రేక్షకులను ఆకట్టుకుంటున్నాడు.

ఇటీవల తన మేనల్లుడు అక్కినేని నాగచైతన్యతో కల్సి వెంకీ మామ మూవీతో తెలుగు సినిమా ప్రేక్షకుల ముందుకు వచ్చి బంపర్ హిట్ సాధించాడు.

తాజాగా వెంకీ తమిళంలో ధనుష్ హీరోగా ,మంజు వారియర్ ప్రధాన పాత్రలల్లో తెరకెక్కి .. ఘనవిజయం సాధించిన అసురన్ రీమేక్ తో బిజీ బిజీగా ఉన్నాడు.

ఈ చిత్రాన్ని శ్రీకాంత్ అడ్డాల తెరకెక్కిస్తుండగా ఏపీలో అనంతపురంలో షూటింగ్ జరుగుతోంది. ఈ మూవీకి చెందిన టైటిల్ ఒకటి ఇదేనంటూ సోషల్ మీడియాలో వైరల్ అవుతుంది.అదే నారప్ప అనే టైటిల్ ను చిత్రం యూనిట్ పరిశీలిస్తుందని ఆ వార్తల సారాంశం. ఇందులో ప్రియమణి నాయికగా నటిస్తుంది.