సరికొత్తగా సమంత

మొదట్లో వరుస సినిమాలతో.. వరుస విజయాలతో ఇండస్ట్రీలో నెంబర్ వన్ స్థానంలో నిలిచిన స్టార్ హీరోయిన్.. అందాల రాక్షసి సమంత. ఆ తర్వాత తెలుగు సినిమా ఇండస్ట్రీలోనే అతిపెద్ద కుటుంబాల్లో ఒకటైన అక్కినేని వారింట కోడలుగా అడుగు పెట్టిన సమంత ఆ తర్వాత లేడీ ఓరియేంటేడ్ మూవీల్లో నటిస్తూ తనకంటూ ఒక స్థానాన్ని సంపాదించుకుంది.

ఇప్పటికే అగ్ర కథానాయికగా కొనసాగుతున్న సమంత డిజిటల్ ఫ్లాట్ ఫార్మ్ కోసం వెబ్ సిరీస్ ది ఫ్యామిలీ మాన్ 2 చేయడానికి అంగీకరించి అందర్నీ ఆశ్చర్యపరిచారు. అయితే ఇక్కడ మరో అశ్చర్యకరమైన విషయం ఏమిటంటే త్వరలోనే సమంత ఒక టాక్ షో చేయనున్నారని ఫిల్మ్ నగర్లో వార్తలు వినిపిస్తున్నాయి.

ఇందుకు సంబంధించిన కీలక సన్నాహాలు జరుగుతున్నాయని సమాచారం. తెలుగులో ఇప్పటిదాక వచ్చిన పలు టాక్ షోలకు విభిన్నంగా సమంత షో ఉంటుంది. ఈ షో ఎవరికోసం చేస్తున్నారు.. దీన్ని ఎప్పుడు ప్రారంభిస్తారు.?. ఇలా పలు అంశాల గురించి క్లారీటీ తెలియాల్సి ఉంది.