అధికారికంగా ప్రకటన..ప్రీ రిలీజ్ ఈవెంట్ కు ముఖ్య అతిథిగా ఎన్టీఆర్

శతమానం భవతి’ .. ‘శ్రీనివాస కల్యాణం’ వంటి కుటుంబ కథా చిత్రాలతో దర్శకుడిగా మంచి పేరు తెచ్చుకున్నారు సతీశ్ వేగేశ్న . తాజాగా మూడవ చిత్రంగా ‘ఎంతమంచి వాడవురా’ రూపొందింది. నందమూరి కల్యాణ్ రామ్ – మెహ్రీన్ జంటగా నిర్మితమైన కొత్త సినిమా ‘ఎంతమంచి వాడవురా’. సంక్రాంతి కానుకగా ఈ నెల 15వ తేదీన విడుదల చేయనున్నారు. ఈ నేపథ్యంలో ఈ సినిమా ప్రీ రిలీజ్ ఈవెంట్ జరపడానికి ముహూర్తాన్ని ఖరారు చేశారు. ఈ వేడుకకి ముఖ్య అతిథిగా ఎన్టీఆర్ వస్తున్నట్లు వార్తలు వచ్చాయి. ఆయన రాకని ఖరారు చేస్తూ అధికారికంగా ఒక పోస్టర్ ను కూడా వదిలారు. ఈ నెల 8వ తేదీన హైదరాబాద్ – జేఆర్సీ కన్వెన్షన్ సెంటర్లో ఈ కార్యక్రమాన్ని నిర్వహించనున్నారు.