రూ.5లక్షలు నజరానా ప్రకటించిన కాంగ్రెస్ ఎమ్మెల్యే

తెలంగాణ రాష్ట్ర కాంగ్రెస్ పార్టీ నేత… మునుగోడు అసెంబ్లీ నియోజకవర్గ ఎమ్మెల్యే కోమటిరెడ్డి రాజగోపాల్ రెడ్డి బంఫర్ ఆఫర్ ప్రకటించారు. తన నియోజకవర్గంలోని గ్రామాల్లో బెల్టు షాపులను నిషేధిస్తూ రూ.5లక్షలు ఇస్తానని ప్రకటించారు.

బెల్టు షాపులను నిషేధిస్తూ తీర్మానం చేస్తే ఆ గ్రామానికి రూ.5లక్షలు నజరానాగా ఇస్తానని ఆయన ప్రకటించారు.సర్పంచులు,ఎంపీపీటీసీ,ఎంపీపీలు ,అఖిలపక్ష నాయకులు,యువత,ప్రజలు ముందుకు రావాలని పిలుపునిచ్చారు. ఈ మొత్తాన్ని తన తల్లి సుశీలమ్మ ఫౌండేషన్ ద్వారా ఆ పంచాయతీకి నజరానా అందించనున్నారని తెలిపారు.

ఇందులో భాగంగా యాదాద్రి జిల్లా సంస్థాన్ నారాయణ పురం మండలంలో తొలిసారిగా బెల్టు షాపులను మూయించిన అల్లందేవిచెర్వు సర్పంచ్ యాదయ్యను ఎమ్మెల్యే రాజగోపాల్ రెడ్డి అభినందించారు. త్వరలోనే రూ. 5లక్షలు అందిస్తానని హామీ ఇచ్చారు.