అతిథి పాత్రకే పరిమితమైన అక్కినేని  సమంతా..!

విక్టరీ వెంకటేష్, నాగ చైతన్య మామా అళ్లుల్ల కాంబినేషన్ లో వస్తున్న వెంకీ మామ సినిమా ట్రైలర్ విడుదలై అభిమానులలో అంచనాలను పెంచేస్తూ దూసుకుపోతోంది. ఎఫ్2 లాంటి బ్లాక్ బస్టర్ హిట్ అందుకుని జోష్ మీదున్నవెంకీ నుంచీ రాబోతున్న మల్టీస్టార్ మూవీకావగడం , సురేష్ ప్రొడక్షన్ లో తెరకెక్కడంతో వెంకి మామ పై భారీ అంచనాలు పెట్టుకుంది చిత్ర యూనిట్. ఇప్పటికే సెన్సార్ పూర్తిచేసుకున్న ఈ చిత్రం యు/ఏ సర్టిఫికేట్ పొందింది.

వెంకీ సరసన పాయల్, చైతూ సరసన రాశీఖన్నా నటిస్తున్న విషయం తెలిసినదే. కానీ ఈ సినిమాలో అతిధి పాత్రలో అక్కినేని సమంతా మెరవనున్నదని సినీవర్గాల నుంచీ సమాచారం. కీలక సమయంలో అతిధి పాత్ర ఎంట్రీ ఉండటంతో దానిలో సమంతా నటిస్తే మూవీకి కూడా క్రేజ్ పెరుగుతుందనే ఉద్దేశంతో సమంతాను తీసుకున్నట్లు తెలుస్తుంది. గ్రామీన వాతావరణం లో సాగే ఈ చిత్రం పూర్తి వినోదాత్మకంగా తెరకెక్కింది. ఈ జాతర రంగులతో కాదు నీ రక్తంతో నింపేస్తా అంటూ వెంకీ చెప్పే డైలాగ్ సీన్ చూస్తుంటే సినిమా లో వైలెన్స్ కూడా ఉన్నట్లు అర్దమౌతుంది. వెంకీ మామ ఈ నెల 13 న ప్రపంచవ్యాప్తంగా విడుదల కానున్నది.