కాజల్, సమంత బాటలోనే తమన్నా..!

వెబ్ సీరీస్ లపై ఆసక్తి తో ఇప్పటికే కాజల్‌ అగర్వాల్‌, సమంతాలు డిజిటల్‌ రంగంలోకి అడుగుపెట్టగా తాజాగా మిల్కీ బ్యూటీ తమన్నా కూడా అదే బాటపట్టిందినవంబర్‌ స్టోరి పేరుతో తెరకెక్కుతున్న ఓ వెబ్‌ సిరీస్‌తో డిజిటల్‌ ఎంట్రీ ఇవ్వనుంది మిల్కీ బ్యూటీ.ప్రస్తుతం అంతా డిజిటల్‌ రంగం వైపు అడుగులు వేస్తున్నారు. బడా బడా నిర్మాణ సంస్థలతో పాటు స్టార్ హీరోలు, హీరోయిన్లు కూడా వెబ్ సిరీస్‌లలో నటించేందుకు ఆసక్తి  చూపిస్తున్నారు. ఇప్పటికే పలువురు తెలుగు స్టార్స్‌ డిజిటల్‌ ప్లాట్‌ ఫామ్స్‌లోకి అడుగుపెట్టగా తాజాగా తమన్నా కూడా ఎంట్రీ ఇవ్వనుంది.

తెలుగు, తమిళ్‌తో పాటు బాలీవుడ్‌లోనూ సత్తా చాటిన అందాల భామ తమన్నా భాటియా. తన అందంతో అందరి దృష్టినీ ఆకర్షించిన ఈ భామ ఇటీవల వరుసగా పాన్‌ ఇండియా సినిమాల్లో నటిస్తూ సత్తా చాటుతోంది. తాజాగా ఈ భామ మరో కొత్త ప్రయోగానికి రెడీ అవుతోంది. డిజిటల్ రంగంలో తన అదృష్టాన్ని పరీక్షించుకోనుంది.