పాపం.. ఎన్నో పశువులకు వైద్యం చేసింది కానీ.. మనుషుల్లోని పశువులను గుర్తించలేకపోయింది !

తాజాగా జరిగిన ప్రియాంక రెడ్డి ఘటన దేశవ్యాప్తంగా అందరినీ కలిచి వేస్తోంది. ఎంతోమంది దీనిపై మానవీయంగా స్పందిస్తూ తమ విచారాన్ని వ్యక్తం చేస్తున్నారు. ఎన్నో పశువులకు వైద్యంచేసిన ప్రియాంక రెడ్డి మనుషుల్లోని పశువులను గుర్తించలేకపోయింది. నాకు భయం అవుతుంది పాప కొద్దిసేపు మాట్లాడు అంటూ చెల్లి తో మాట్లాడిన చివరి ఆడియోలను వింటున్న వారికి మనసు కలిచివేస్తోంది. ఎవరిని నమ్మాలో ఎవరిని నమ్మకూడదో తెలియని పరిస్థితుల్లో నేడు ప్రస్తుత సమాజంలో బతుకుతున్నాం అందుకు ప్రతి ఒక్కరు తలదించుకోవాల్సిన ఘటన ఇది. అయితే ప్రియాంక రెడ్డి హత్య కేసును 24 గంటల్లోపే పోలీసులు చేధించారు ఇద్దరు లారీ డ్రైవర్లు ఇద్దరు క్లీనర్ల ను అదుపులోకి తీసుకున్నారు. ప్రియాంక రెడ్డి కాస్త అప్రమత్తమై ఉంటే కొంచెం ధైర్యం తెచ్చుకుని పోలీసులకు టోల్ ఫ్రీ నెంబర్ కు సమాచారం ఇచ్చి ఉంటే ఆమె కథ విషాదాంతం అయి ఉండేది కాదు. ఏదేమైనా జరగరాని ఘోరం జరిగిపోయింది. ప్రతి ఒక్కరూ సామాజిక బాధ్యతగా మగ పిల్లలను భక్తిశ్రద్ధలతో స్త్రీల పై గౌరవంతో పెంచాలని, ఆడపిల్లలు బయటికి వెళ్ళినప్పుడు వీలైనన్ని జాగ్రత్తలు తీసుకోవాలని పలువురు సూచిస్తున్నారు.