అనిల్ , రామ్ కాంబినేషన్ లో ఓ లవ్ స్టొరీ..!

అనిల్‌ రావిపూడి  దర్శకత్వం లో  హీరో రామ్ పోతినేని నటించనున్నాడు.గతంలో అనిల్, రామ్ తో ఓ చిత్రం తెరకెక్కించాలని ప్రయత్నం చేసినా పలు కారణాల వల్ల రామ్‌ ఆ సినిమా చేయలేకపోయారు. దాంతో ఆ కథను రవితేజకు వినిపించి ‘రాజా ది గ్రేట్‌’ తెరకెక్కించారు. తాజాగా అనిల్‌.. రామ్‌ కోసం ఓ ప్రాజెక్ట్‌ను సిద్ధం చేస్తున్నారని సినీ వర్గాల నుంచి సమాచారం. ప్రస్తుతం మహేష్‌ బాబు కథానాయకుడిగా ‘సరిలేరు నీకెవ్వరు’ తెరకెక్కిస్తున్న అనిల్‌ తన తదుపరి చిత్రం రామ్‌తో చేయనున్నారు. ఇప్పటికే వీరిద్దరి మధ్య చర్చలు జరుగుతున్నాయని, అనిల్‌ చెప్పిన కథ నచ్చడంతో రామ్‌ ఓకే చెప్పే అవకాశాలున్నాయని చిత్రసీమలో వినికిడి. ప్రస్తుతం రామ్‌.. కిశోర్‌ తిరుమల దర్శకత్వంలో తెరకెక్కుతున్న ‘రెడ్‌’ చిత్రంలో నటిస్తున్నారు. ఈ సినిమా పూర్తైన వెంటనే అనిల్‌తో సినిమా చేస్తాడని రూమర్స్ వినిపిస్తున్నాయి. దీనిపై అధికారిక ప్రకటన వెలువడాలిసిఉంది.