మరికాసేపట్లో కేసీఆర్ ప్రెస్ మీట్..!!

సీఎం కేసీఆర్‌ అధ్యక్షతన ప్రగతి భవన్‌లో మంత్రివర్గ సమావేశం కొనసాగుతుంది. ఈ క్రమంలోనే సమావేశం అనంతరం సీఎం కేసీఆర్ మీడియాతో మాట్లాడనున్నారు. ఈ భేటీలో ఆర్టీసీపైనే ప్రధానంగా చర్చ జరిగిందని ప్రచారం జరుగుతున్న నేపథ్యంలో…ఆర్టీసీ అంశంపై సీఎం కేసీఆర్ కీలక నిర్ణయం ప్రకటించే అవకాశం ఉందని తెలుస్తోంది. ఆర్టీసీ కార్మికులను తిరిగి విధుల్లో తీసుకోవడంపై ఆయన ఎలాంటి నిర్ణయం ప్రకటిస్తారనే అంశంపై వారితో పాటు తెలంగాణ ప్రజలందరిలోనూ ఉత్కంఠ నెలకొంది. ఈ సమస్యకు సాధ్యమైనంత తొందరగా పరిష్కారం లభించాలని అంతా కోరుకుంటున్న నేపథ్యంలో… దీనిపై సీఎం కేసీఆర్ ఏం చెబుతారనే అంశంపై ఆసక్తి నెలకొంది.