వాళ్లు నాకు దేవుళ్లు

ఒకప్పుడూ వరుస సినిమాలతో.. వరుస విజయాలతో తెలుగు సినిమా ఇండస్ట్రీని ఒక ఊపు ఊపిన మిల్క్ బ్యూటీ తమన్నా భాటియా.. ఆ తర్వాత బాలీవుడ్ లోకి ఎంట్రీ ఇచ్చి చేతులు కాల్చుకుంది ఈ ముద్దుగుమ్మ. ఒక పక్క మత్తెక్కించే అందం..

మరో పక్క అందర్ని మెప్పించే అభినయం ఉన్న కానీ తెలుగు సినిమాల్లో గ్యాప్ రావడంతో తెలుగులో అవకాశాలు తగ్గాయి. అయిన కానీ అమ్మడు క్రేజ్ ఏమి తగ్గలేదు. తెలుగు సినిమా ఖ్యాతిని చాటిన బాహుబలి,సైరా నరసింహా రెడ్డి మూవీల్లో కీలకమైన పాత్రల్లో నటించి అందరి చేత వహ్వా అన్పించుకుంది ఈ ముద్దుగుమ్మ.

ఒక ప్రముఖ పత్రికలో ఈ మిల్క్ బ్యూటీ ఇంటర్వూ ఇచ్చింది. ఆ ఇంటర్వూలో ముద్దుగుమ్మ మాట్లాడుతూ” సూపర్ స్టార్ రజనీకాంత్,విశ్వనటుడు కమల్ హాసన్ నాకు దేవుళ్లతో సమానం..

వాళ్లను నా చిన్నప్పటి నుంచి చూస్తూ పెరిగాను.. వాళ్ల నటన చూసి నేను చాలా నేర్చుకున్నాను”అని వారిపై తన అభిప్రాయాన్ని పంచుకుంది ఈ మిల్క్ బ్యూటీ.