మెగాస్టార్ ఇంట కన్నుల పండుగగా క్లాస్ ఆఫ్ 80’s వేడుకలు..!

ఎన‌భై- తొంభై ల నాటి తార‌లంతా `క్లాస్ ఆఫ్ ఎయిటీస్` పేరుతో ఇప్పటివరకు రకరకాల ప్రదేశాలలో గత తొమ్మిదేళ్లుగా   వార్షికోత్స‌వ వేడుక‌లు జ‌రుపుకుంటున్న సంగ‌తి తెలిసిందే. ఈ సారి  `క్లాస్ ఆఫ్ ఎయిటీస్`  పదో వార్షికోత్సవ పార్టీని హైదరాబాద్ లోని మెగాస్టార్  చిరంజీవి స్వగృహంలో హోస్టింగ్ చేయ‌డం మరింత ఆస‌క్తిక‌రంగా మారింది. ఈ క్లాస్ ఆఫ్ ఎయిటీస్ ఈవెంట్  హైదరాబాద్ జూబ్లీ హిల్స్ లోని మెగాస్టార్ చిరంజీవి స్వగృహంలో నిర్వహించారు. ఈ రీయూనియ‌న్ మీట్ లో ఈసారి 1980-1990లో అగ్ర తార‌లు పాల్గొన్నారు. బాలీవుడ్, టాలీవుడ్  కోలీవుడ్ స‌హా మ‌ల‌యాళం.. క‌న్న‌డం నుంచి మొత్తం 40 మంది తార‌లు ఈ వేడుక‌కు హాజ‌ర‌య్యారు. ఈ పార్టీలో మెగాస్టార్ చిరంజీవి,మోహన్ లాల్, వెంకటేశ్, మోహన్ బాబు, సుహాసిని, ఖుష్బూ, రాధిక, సుమలత  నరేశ్, ప్రభు, శోభన,  భాగ్యరాజ్, శరత్ కుమార్, త్యరాజ్ ,నదియా, సుమన్ వంటి 40 మంది తారలు  ఈ పార్టీకి హాజరయ్యారు. చిరు ఇంట పార్టీ కి వీళ్ల తో పాటే బాలీవుడ్ నుంచి జాకీ ష్రాఫ్ సహా పలువురు స్టార్లు కూడా హాజరయ్యారు.