ప్రభాస్ కు దర్శకుడు దొరికిండా..?

యంగ్ రెబల్ స్టార్ ప్రభాస్ నటించి.. ఇటీవల విడుదలైన సాహో మూవీ కలెక్షన్లను రాబట్టిన కానీ హిట్ టాక్ మాత్రం తెచ్చుకోలేకపోయింది. బాహుబలి సిరీస్ తర్వాత ప్రభాస్ అభిమానుల భారీ అంచనాల నడుమ విడుదలైన ఈ మూవీ వారి అంచనాలను అందుకోలేకపోయింది. అప్పటి నుండి ఇప్పటివరకు రెబల్ స్టార్ ఏ సరికొత్త ప్రాజెక్టుకు కూడా గ్రీన్ సిగ్నల్ ఇచ్చినట్లు సమాచారం లేదు .

అయితే లేటెస్ట్ గా ఇటీవల తెలుగు సినిమా ఇండస్ట్రీలో చిన్న మూవీలుగా విడుదలైన ఘన విజయం సాధించిన కేజీఎఫ్ : ఛాప్టర్ 1 తో ఒక్క తెలుగు ఇండస్ట్రీనే కాకుండా మొత్తం ఇండియాలోనే సినిమా ప్రేక్షకులను ఆకట్టుకున్న కన్నడ దర్శకుడు ప్రశాంత్ నీల్ ప్రభాస్ కు కథ విన్పించినట్లు ఫిల్మ్ నగర్లో వార్తలు చక్కర్లు కొడుతున్నాయి.

ప్రస్తుతం కేజీఎఫ్ సీక్వెల్లో బిజీబిజీగా ఉన్న ప్రశాంత్ ఆ తర్వాత మూవీ ప్రభాస్ తోనే తెరకెక్కించనున్నాడని ఫిల్మ్ నగర్లో గుసగుస. ఒకవేళ ఈ క్రేజీ కాంబినేషన్ పట్టాలెక్కితే మాత్రం టాలీవుడ్ లో సంచలనమే.